1994 yil 22 noyabr kuni Moskvada psixologlar jamiyati tomonidan tashkil etilgan “Psixologlar kuni”, 2000 yildan boshlab Psixologlar kuni sifatida xalqaro miqyosda nishonlanib kelinadi. Pedagogika va psixologiya fakulteti Umumiy psixologiya kafedrasi tomonidan tashkil etilgan tadbir, ana shu kun munosabati bilan o‘tkazildi.
Tadbirni universitet yoshlar masalalari, ma’naviy-ma’rifiy ishlar bo‘yicha birinchi prorektor S. Nazarqosimov ochib berdi. U o‘z so‘zida o‘zgalar uchun, u xoh tanish bo‘lsin, xoh notanish, xoh umrida birinchi bor ko‘rayotgan insonlar uchun, ularning kelajagi uchun astoydil jon kuydiradigan, o‘ksik ko‘ngillarga, yaralangan qalblarga malham bo‘lish uchun borini-da berishga tayyor fidoyi bo‘lgan qalb sohiblarini bugungi kun bilan tabrikladi.
Bugun yurtimizda 25 mingga yaqin psixolog faoliyat yuritadi. Umumiy psixologiya kafedrasida esa 25 nafar psixolog faoliyat olib bormoqda. Ayni paytda Umumiy psixologiya kafedrasi qoshida psixologik xizmat va psixodiagnostik markaz joriy 2023 yildan buyon faoliyat olib bormoqda
Ba’zan insonlar o‘z yaqinlaridan topmagan mehr- muhabbatni, saxiy qalbni, odamiylikni, samimiylikni, fidoyilikni Psixolog – qutbshunosdan topadi. Tadbir davomida talaba yoshlar tomonidan sahnalashtirilgan ko‘rinishlar va o‘yin tariqasida o‘tkazilgan mashg‘ulotlar “orzular doskasi”, “toj kiydirish” mashg‘ulotlari nafaqat talaba yoshlarda, balki ustozlarda uchun ham qiziqish uyg‘otdi.
