Ustozlik – buyuk maqomdir. Xalqimizda “Ustoz otangdek ulug‘” degan hikmat bejiz aytilmaydi. Ustozlar jamiyat binosining me’morlari, ma’rifat bog‘ining bo‘stonlaridir. Ular hayot bo‘stonidagi niholning baquvvat daraxtga aylanishi uchun mehr bilan mehnat qiladi.

Hamidulla Meliyev biz uchun ana shunday ilm osmonida yorqin ziyo taratib turgan yo‘lchi yulduzdir desak xato qilmagan bo‘lamiz. Ustozning to‘g‘ri tarbiyasi bergan ta’limi ortidan ko‘plab shogirdlari  xayotda to‘g‘ri yo‘lni topdi.

Kuni kecha universitetning madaniyat saroyida “Maktabgacha ta’lim metodikasi” kafedrasi professori, pedagogika fanlari nomzodi Meliyev Xamidulla Abdullayevichning 70 yilligiga bag’ishlangan “Yangi O’zbekistonda maktabgacha ta’lim: kecha, bugun, ertaga” mavzusidagi Respublika ilmiy-nazariy anjumani bo‘lib o‘tdi.

Anjumanni universitetning Ilmiy ishlar va innovatsiyalar bo‘yicha prorektori G‘. Qodirov ochib berdi. U o‘z so‘zida H.Meliyevning bosib o‘tgan yo‘llari, sermahsul ilmiy-ijodiy faoliyati haqida so‘z yuritdi. Kechaga tashrif buyurganlar ustozning talabchanligi, yuklatilgan vazifalarni o‘z vaqtida vijdonan ijro etish qobiliyatiga ega olim ekanligini faxr bilan e’tirof etishdi. Bugun ustozni Jizzaxda xususan ta’lim tizimida mehnat qilayotgan xodimlar orasida tanimagan  odam bo‘lmasa kerak

Yuksak madaniyatiga ega, universitetda yosh o‘qituvchilariga hamisha o‘rnak bo‘layotgan. Jamoat ishlarida ham faol  ustozga 70 yosh muborak bo‘lsin deymiz.