Mexr shafqat va salomatlik jamoat fondi Sharof Rashidov tumani bo‘limi bilan Abdulla Qodiriy nomidagi Jizzax davlat pedagogika universiteti Rus tili va adabiyoti fakulteti hamkorligida “BIZ BIRGAMIZ” loyixasi yil davomida o‘tkazib kelinmoqda. Xayriya aksiyasi tashkilotchilari bu gal Sh.Rashidov tumani, Qo‘shkuprik MFYida yashovchi bolaligidan nogironligi bor, imkoniyat cheklangan Xayot O‘ktamov hamda Guli O‘ktamovalar xonadonida bo‘lishdi. Oliygohning professor-o‘qituvchilar hamda talabalari bolajonlarga Yangi yil munosabati bilan Qorbobo sovg‘alari va o‘quv qurollarini taqdim etishdi. Mehmonlar tashrifidan ko‘ngli shodlikka to‘lgan Xayotjon va Guli O‘ktamovalar e’tiborga javoban o‘z tashakkurlarini bildirishdi.
