Институт ректорининг Олий ва ўрта махсус таълим вазирлигининг 2016 йил 14 октябрдаги № 87-02- 256-сонли хати асосида 2016 йил 17 октябрдаги № 612 -сонли ички буйруғи ижрога киритилди. “Тил ҳафталиги” тадбирлари доирасида чора-тадбирлар режаси ишлаб чиқилди. Режа асосида қуйидаги ишлар амалга оширилди:
– 2016 йил 18 октябрь куни Дўстлик туманида пахта йиғим-теримида иштирок
этаётган Ўзбек тили ва адабиёти факультетида Ўзбекистон Республикасининг “Давлат
тили ҳақида”ги Қонуни ҳамда 2016 йил “Навоий” номидаги стипендияга сазовор
бўлган 3 курс талабалари Абдуғаффорова Шодиёна ва Шодиев Одилжонларни
тақдирлаш тадбири ташкил қилинди.
– 2016 йил 19 октябрь куни Ўзбек тили ўқитиш методикаси кафедраси
профессор-ўқитувчилари иштирокида “Давлат тили – миллат ғурури” мавзусида
семинар ўтказилди.
– 2016 йил 20 октябрь куни Бошланғич таълим методикаси кафедраси
профессор-ўқитувчилари ва талабалари иштирокида “Она тили – миллат хазинаси”
мавзусида давра сухбати ташкил этилди.
– 2016 йил 21 октябрь куни институт Малака ошириш ва қайта тайёрлаш
факультетида “Тилга эътибор – элга эътибор” мавзусида давра суҳбати ташкил
этилди.
– 2016 йил 21 октябрь куни институт Ахборот ресурс марказида “Давлат тили
ҳақида”ги Қонуннинг мазмун-моҳияти юзасидан давра суҳбати ташкил этилди.
Шунингдек, Ўзбек тилига давлат тили мақоми берилган кун муносабати билан
тарғибот-ташвиқот ишлари амалга оширилди. Жумладан: 2016 йил 21 октябрь куни
Жиззах олий ҳарбий авиация билим юртида Бошланғич таълим методикаси кафедраси
ўқитувчиси Ф.Ибрагимова “Ўзбек тили – она тилимиз” мавзусидаги маърузаси
билан иштирок этди.
Институт “Зиё чашмаси” газетасининг октябрь ойи сонида ўтказилган тадбирлар
ёритилмоқда.
