Jizzax davlat pedagogika universiteti Madaniyat saroyida talabalar xavfsizligini ta’minlash va huquqbuzarliklarning oldini olish masalalariga bag‘ishlangan yig‘ilish bo‘lib o‘tdi.
Unda viloyat prokuraturasi, viloyat hokimligi, ichki ishlar organlari, Davlat kadastrlari palatasining viloyat boshqarmasi, tegishli tuman va shahar prokuraturalari vakillari, shuningdek, viloyatdagi barcha oliy ta’lim muassasalari rahbarlari, prorektorlar va mas’ul xodimlar ishtirok etdi.
Yig‘ilish-2026-yil-11-sentyabr kuni Prezidentning Toshkent shahri Olmazor tumanidagi «Yoshlik» talabalar shaharchasida tashkil etilgan Vaziyatlar markazi faoliyati bilan tanishuvi chog‘ida berilgan topshiriqlar ijrosini ta’minlash maqsadida o‘tkazildi.
Vaziyatlar markazi talabalar davomati, xavfsizligi va ijtimoiy muhitni raqamli monitoring qilish, muammolarni tezkor aniqlash hamda ularning oldini olishga xizmat qiladi.
Shuningdek,-2026-yil 4-sentyabrdagi PQ–314-son qarorda «Xavfsiz dargoh — xavfsiz talaba» axborot tizimini-2027-yil-1-martga qadar ishlab chiqish va poytaxtdagi yirik OTMlarda sinovdan o‘tkazish vazifasi belgilangan.
Yig‘ilishda ta’lim muassasalari va talabalar turar joylarida xavfsizlikni kuchaytirish, profilaktik ishlarni tizimli tashkil etish, mas’ul tashkilotlar hamkorligini mustahkamlash hamda belgilangan topshiriqlar ijrosini ta’minlash masalalari muhokama qilindi.
