Jizzax davlat pedagogika universitetida “Keksalar haftaligi” doirasida “Nuroniy” jamoatchilik kengashi hamda Boshlang‘ich va maktabgacha ta’lim pedagogika oliy maktabi hamkorligida “Uch avlod uchrashuvi” o‘tkazildi.

Uchrashuvni JDPU “Nuroniy” kengashi raisi X.A. Meliyev ochib berdi. Tadbirda Sharof Rashidov tumani BMJG raisi D. Saidova, faxriy ustoz Oleg Kim hamda universitet professori U. Jumanazarov ishtirok etib, hayotiy tajribalari va mehnat faoliyati davomida orttirgan saboqlari bilan o‘rtoqlashdilar.

Muloqot davomida avlodlar davomiyligi, ustozlar ibrati, milliy qadriyatlarni asrash va yoshlarni vatanparvarlik ruhida tarbiyalash masalalariga e’tibor qaratildi. Shuningdek, ishtirokchilar “O‘tmish saboqlari, bugun qadri, kelajak mas’uliyati” mavzusida fikr almashdilar.

Talabalar chiqishlari, savol-javob va samimiy muloqotlar bilan davom etgan uchrashuv katta avlod tajribasini yoshlarga yetkazish hamda avlodlar o‘rtasidagi o‘zaro hurmat va hamjihatlikni mustahkamlashga xizmat qildi.