Jizzax davlat pedagogika universitetida O‘zbekiston Respublikasi Davlat mustaqilligining 35-yilligiga bag‘ishlangan «Mustaqillik to‘yi» bayram tadbiri «Bir Vatan, bir xalq bo‘lib, yangi hayot, yangi kelajakni birgalikda bunyod etaylik!» shiori ostida tantanali tarzda tashkil etildi.
Tadbirning birinchi qismi universitet professorlar bog‘ida tashkil etilgan ko‘rgazmalar bilan boshlandi. Unda mamlakatimiz taraqqiyoti va mustaqillik yillarida erishilgan muhim yutuqlarni aks ettiruvchi «Bir Vatan — bir oila», universitet tarixi va yutuqlariga bag‘ishlangan «Mening universitetim — mening Vatanim» hamda talaba-yoshlarning mustaqillik yillarida erishgan yutuqlarini aks ettiruvchi «Yangi O‘zbekiston yoshlari» ko‘rgazmalari tashkil etildi
Universitet rektori boshchiligidagi rahbariyat vakillari ko‘rgazmalarni aylanib, ularda namoyish etilgan eksponatlar bilan tanishdilar. Ayniqsa, universitet sportchilarining xalqaro va respublika miqyosidagi yutuqlari, talaba-yoshlarning innovatsion ishlanmalari, ijodiy namunalari hamda yosh ijodkorlarning musiqiy chiqishlari tadbir ishtirokchilarida katta taassurot qoldirdi.
