JDPU Boshlang‘ich ta’lim pedagogikasi kafedrasi dotsenti D. Farsaxonova va o‘qituvchi N. Quvonova tomonidan 1-bosqich magistrantlari ishtirokida Turkiyaning Karamanog‘li Mehmetbey universiteti dotsenti Özlem Yılmaz Demirel hamda magistrantlari bilan hamkorlikda “Rivojlangan davlatlarda boshlang‘ich ta’lim tizimi” mavzusida qo‘shma onlayn dars tashkil etildi.
Dars davomida Finlyandiya, Singapur, Yaponiya, Turkiya va O‘zbekiston ta’lim tizimlari yuzasidan taqdimotlar qilindi.
Shuningdek, Jeopardy platformasi orqali magistrantlarning bilimlari mustahkamlandi, ishtirokchilar tomonidan o‘zbek va turk xalqlari madaniyati namoyish etildi.
Dars ikki universitet o‘rtasidagi ilmiy-ma’rifiy hamkorlikning amaliy namunasi sifatida yuqori saviyada o‘tkazildi. Yakunda hamkorlar tashkil etilgan qo‘shma dars uchun minnatdorchilik bildirib, hamkorlikni yanada rivojlantirish istagini izhor etdilar.
