Joriy yilning 9-fevral kuni Aniq fanlar fakultetining 1-bosqich talabalari ishtirokida korrupsiyaga qarshi kurashish, huquqiy ong va huquqiy madaniyatni yuksaltirishga bag‘ishlangan seminar-trening tashkil etildi.

Seminar davomida talaba-yoshlarga Virtual akademiya elektron platformasining o‘quv imkoniyatlari batafsil tushuntirildi. Shuningdek, korrupsiyaning mazmuni, uning turlari, ushbu holatlar uchun belgi

Tadbirda o‘tgan sessiya jarayonida ayrim talabalar tomonidan akademik insofsizlik, xususan, ko‘chirmachilik holatlari kuzatilgani tanqidiy tahlil qilindi. Bunday xatti-harakatlar, avvalo, talabaning o‘ziga ziyon yetkazishi, o‘z kelajagiga nisbatan mas’uliyatsizlik va o‘ziga xiyonat ekani alohida ta’kidlandi. Shuningdek, talabalarga turli firibgarlik sxemalaridan ogoh bo‘lish, halollik va adolat tamoyillariga qat’iy amal qilish zarurligi uqtirildi.

Seminar-treningda ishtirokchilarga O‘zbekiston Respublikasi Vazirlar Mahkamasining “Korrupsiyaga oid huquqbuzarliklar haqida xabar bergan yoki korrupsiyaga qarshi kurashishga ko‘maklashgan shaxslarni rag‘batlantirish tartibi to‘g‘risida”gi qarori mazmuni ham tushuntirib o‘tildi.

Bundan tashqari, universitetda korrupsiya va manfaatlar to‘qnashuvi faktlari haqida xabar berish uchun mo‘ljallangan tezkor aloqa kanallari, jumladan, 👉 https://t.me/jdpuantikorrklub/2555 orqali murojaat yo‘llash imkoniyatlari haqida batafsil ma’lumot berildi.