Shiddat bilan rivojlanayotgan zamon ta’lim oldiga ham qator talablarni qo‘ymoqda-ki, bu o‘qituvchilardan o‘zgarishni, zamonga moslashishni, hayot bilan hamnafas yashashni talab etmoqda.

Jamiyatimizda o‘qituvchi maqomini yuksaltirishga qaratilgan targ‘ibot-tashviqot ishlari keng ko‘lamda olib borilmoqda. Mazkur masalaga prezident darajasida e’tibor berilmoqda.

Ammo “Xolva degan bilan – og‘iz chuchimaydi” degenlaridek biz o‘qituvchilar ham o‘z bilimimizni oshirmas ekanmiz, o‘z ustimizda ishlamas ekanmiz, ijtimoiy hayot bilan hamnafas yashamas ekanmiz – ko‘zlangan maqsadga erisha olmaymiz.

Nima qilish kerak? Nimaga e’tibor qaratish zarur? O‘qituvchi maqomini yuksaltirish omili nimalarga bog‘liq? Shu va shu kabi savollar  muhokamasiga bag‘ishlangan ochiq ma’ruza darsini institu Yoshlar bilan ishlash prorektori S.Nazarqosimov ochib berdi. Bo‘lajak olimlar ishtirokida bo‘lib o‘tgan ma’ruza darsini   Pedagogika ta’limi nazariyasi kafedrasi o‘qituvchisi A.Qayumov boshqarib bordi. O‘tilgan dars mavzusi  ishtirokchilar tomonidan yuqori baholandi desak xato qilmagan bo‘lamiz. Ushbu ma’ruza darsidan kutilgan natija bitta, u ham bo‘lsa ishtirokchilar pedagogik faoliyatida ta’lim berishga kreativ yondoshuv va o‘quvchilarga samarali ta’sir ko‘rsatish. Ochiq ma’ruza darsida institut doktorantlari, maktab o‘qituvchilari ishtirok etdi.