Jizzax davlat pedagogika universitetida Xotin-qizlar maslahat kengashi tashabbusi bilan xotin-qizlar masalalari bo‘yicha maslahatchilar uchun psixologik seminar-trening tashkil etildi. Trening universitet mutaxassisi X.Z. Odiljonova tomonidan olib borilib, maslahatchilarning kasbiy kompetensiyalarini mustahkamlash, ularning psixologik hamda pedagogik bilimlarini boyitishga qaratildi.
Seminar-trening davomida talaba-qizlarning psixologik holatini aniqlashga xizmat qiluvchi diagnostik metodlar, muammoli vaziyatlarni erta aniqlash hamda ularga tezkor psixologik yordam ko‘rsatish mexanizmlari haqida so‘z yuritildi.
Shuningdek, jamoaviy hamkorlik, o‘zaro ishonch va samarali muloqotni rivojlantirish, real vaziyatlar asosida maslahat berish jarayonida qo‘llaniladigan zamonaviy yondashuvlar bo‘yicha amaliy tavsiyalar berildi.
