Jizzax davlat pedagogika universiteti mas’ul xodimlari tomonidan Jizzax shahrining Zargarlik mahallasida ijara xonadonlarida yashayotgan talabalar sharoiti o‘rganildi.

O‘rganish davomida 10 ga yaqin xonadondagi yashash sharoitlar, qish mavsumiga tayyorgarlik hamda is gazidan zaharlanishning oldini olish choralari ko‘zdan kechirildi. Barcha xonadonlar holati “yashil” hudud sifatida baholandi.

Shuningdek, talabalar bilan jinoyatchilik va huquqbuzarliklarning oldini olish, xavfsizlik qoidalariga rioya etish hamda giyohvandlikka qarshi kurashish oyligi doirasida profilaktik suhbatlar o‘tkazildi.

Suhbatlarda giyohvandlik vositalarining salbiy oqibatlari va yoshlarning huquqiy mas’uliyati haqida tushuntirishlar berildi.

Bunday o‘rganishlar talabalarning xavfsiz yashash sharoitlarini ta’minlash va ular o‘rtasida huquqbuzarliklarning oldini olishga qaratilgan.