Jizzax davlat pedagogika universitetida talaba-yoshlarning intellektual salohiyatini oshirish, mustaqil va tanqidiy fikrlash ko‘nikmalarini rivojlantirish, o‘z fikrini erkin hamda asosli ifoda etish qobiliyatini shakllantirishga qaratilgan “Munozara” debat klublari universitet bosqichi o‘tkazildi.

Unda faol, tashabbuskor va izlanuvchan talabalar ishtirok etdi.

Bahslar davomida ishtirokchilar ijtimoiy tengsizlik, iqlim o‘zgarishi, korrupsiyaga qarshi kurash, oilada farzand tarbiyasi hamda erkak va ayol huquqlarining tengligi kabi dolzarb mavzular yuzasidan o‘z fikr-mulohazalarini debat shaklida bayon etib, qarashlarini dalillar asosida himoya qildilar.

Musobaqa yakunlariga ko‘ra:

1-o‘rin – Maktabgacha va boshlang‘ich ta’lim pedagogika oliy maktabi;

2-o‘rin – Ijtimoiy fanlar pedagogika oliy maktabi;

3-o‘rin – Filologiya fanlari pedagogika oliy maktabi.

G‘olib va sovrindorlar munosib taqdirlandi.