Jizzax davlat pedagogika instituti O‘zbekiston Respublikasi Prezidentining 2020 yil 30 oktabrdagi «Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida» PF-6099 farmoni ijrosini ta’minlash maqsadida talabalar o‘rtasida sport musobaqalarini o‘tkazishni yo‘lga qo‘ydi. Unga ko‘ra, har kuni darslar ertalabki nafas olish gimnastikasi mashqlari bilan boshlandi. Shuningdek sportning barcha turlari bo‘yicha haftaning har kuni talabalar o‘rtasida do‘stona bellashuvlar o‘tkaziladi. Bugun talabalar o‘rtasida sportning basketbol turi bo‘yicha bellashuvlar bo‘lib o‘tdi.
