2025-yil 1-noyabr kuni Jizzax davlat pedagogika universitetida “Qizlarjon klubi” faoliyati doirasida “Pazanda” to‘garagining navbatdagi mashg‘uloti tashkil etildi.

Tadbirda universitetning turli fakultetlaridan faol va iste’dodli talaba-qizlar ishtirok etishdi. Mashg‘ulot davomida ishtirokchilar “Karving” san’ati bo‘yicha amaliy master-klass o‘tkazib, pazandalik mahorati, ijodkorlik va estetik didlarini namoyon etdilar.

Jarayon davomida qizlar nafaqat taom bezatish sir-asrorlarini o‘rgandilar, balki jamoada ishlash, o‘z fikrini erkin ifoda etish va ijodiy yondashuv ko‘nikmalarini ham rivojlantirdilar.

“To‘garakning asosiy maqsadi — talaba-qizlarning bo‘sh vaqtlarini mazmunli tashkil etish, ularni milliy qadriyatlar, oilaviy hayotga tayyorgarlik va kasbiy madaniyat ruhida tarbiyalashdan iborat”, — deydi tashkilotchilar.

Mazkur amaliy mashg‘ulotlar orqali talaba-qizlarda mehnatsevarlik, mustaqil fikrlash va o‘z ustida ishlash ko‘nikmalari shakllanmoqda.