Jizzax viloyati Ichki ishlar boshqarmasi boshlig‘i, general-mayor G‘ayrat Qodirov Jizzax davlat pedagogika universiteti Tibbiyot fakulteti talabalari bilan uchrashuv o‘tkazdi.

Tadbir avvalida mehmonlar fakultetda yaratilgan sharoitlar, o‘quv jarayonlari hamda fakultet faoliyati bilan tanishdilar.

Ochiq muloqot davomida ichki ishlar tizimida tibbiyot yo‘nalishining o‘rni, jamoat xavfsizligini ta’minlashda tibbiy xizmatning ahamiyati malakali kadrlar tayyorlash hamda tizimining tibbiyot bo‘limlarida faoliyat yuritish imkoniyatlari yuzasidan fikr almashildi.

Shuningdek, talaba-yoshlarning sohaga oid savol va takliflari tinglandi.