Bugun juda ko‘p bahs va munozaraga sabab bo‘layotgan mavzulardan biri to‘y marosimini 30 kishi bilan o‘tkazish.
Ko‘pchilik yurtdoshlarimizga bu taklif ma’qul kelgani bilan, ular imi jimida to‘yni 100, 150 nafar atrofida mehmon chaqirib, bir ammallab yo‘lini qilib to‘y o‘tkazishayotgani hech kimga sir emas. Oramizda 30 kishi bilan to‘y o‘tkazganlar esa juda kamchilikni tashkil etadi. Men esa to‘ylarni 30 kishi bilan o‘tkazish tarafdoriman. Sababini esa o‘z bilganimcha ochiqlashga harakat qilaman.
Bir necha yillar Rossiyada ovqatlanish shahobchalarida( kafe, restoran) oshpaz bo‘lib ham ishlashga to‘g‘ri keldi. Ilk marta to‘y uchun banket zakaz olganimizni eslayman. O‘shanda rus hamkasblarimizdan biri 25 kishi bilan to‘y o‘tkazgandi. Mehmonlar soni sanoqli, hech kim o‘ziga qo‘shib tanishi va bolasini yetaklab kelmaydi, stolda to‘y egalarining buyurtmasidan ortiq qo‘shimcha narsa qo‘yilmaydi. Kamtarona, eng muximi yeyimli va to‘yimli salatlar ikki xil ovqat, ichimlik, shirinlik to‘y so‘ngida tort qo‘yildi. To‘y shunchalar qiziqarli va xushkayfiyatda o‘tdiki, rosti o‘zimiz ham zavqlangandik o‘shanda. To‘y egasi kafega belgilangan summani to‘ladi (bu taxminan ikii oylik ish haqidan iborat summa edi). Biz o‘zbeklar esa anchagacha bu to‘yni muxokama qildik. Kimdir kuldi, kimdir muhokama qildi. “Bizda to‘ylar unday bo‘ladi mana bunday bo‘ladi” deya maqtandik ham shunda to‘y egasi hamkasbimiz haqli savol berdi “shu bois o‘zga yurtlarda ishlaysilarmi?…o‘zingiz uchun qachon yashaysiz” …avvalida menga bu so‘z unchalik ta’sir qilmadi, ammo borgan sari uning nechog‘liq haq ekanin anglay boshladim. Nega biz yillar davomida kunni tunga ulab, ishlab topganimizni yuzlab, minglab mehmon chaqirib havoga sovuramiz, nega o‘sha to‘yga ketgan millionlab xarajatni tejab chet ellarga oilaviy sayohatga bormaymiz? yoki ro‘zg‘or uchun qolaversa o‘zimiz uchun xarjlamaymiz? Nega? …
Aziz yurtdoshim yuzlab yoki undan ko‘p odam chaqirib to‘y qilishni rejalashtirish o‘rniga sog‘lig‘imiz, kelajagimiz farzandalrimizni nomdor oliygohlarda o‘qitish va ularning ilm olishi uchun sharoit yaratsak bo‘lmaydimi? Keling shu haqida ozgina mushohada qilaylik zotan to‘y bir kunlik o‘tadi ketadi , ammo to‘ydan keyin ham hayot bor…
G.Sharipova JDPI matbuot kotibi
