8 aprel- «Kitobxonlik haftaligi»ning 4-kuni chora-tadbirlar rejasiga muvofiq institut ma’naviy-ma’rifiy bo‘limi, axborot-resurs markazi, San’atshunoslik va Tarix fakulteti hamkorligida Sohibqiron Amir Temur tavalludining 685 yilligi munosabati bilan “Adolat bor joyda adovat bo‘lmas” nomli teatrlashgan musiqali kompozitsiya tashkil etildi. Tadbirga taniqli yozuvchi, Chingiz Aytmatov Akademiyasi akademigi, Respublika yozuvchilar uyushmasi a’zosi Nurali Qobil ishtirok etdi. Ushbu teatrlashgan tadbirni institut Yoshlar bilan ishlash prorektori S.Nazarqosimov kirish so‘zi bilan ochib berdi. So‘ngra, sohibqiron Amir Temurning tarixiy hayot yo‘li to‘g‘risida yozuvchi Nurali Qobilga fikr yuritdi. Yozuvchi buyuk sarkarda, davlat arbobi Amir Temur to‘g‘risida o‘z mulohazalarini bildirib, ishtirokchilarning savollariga javob berdi. Shundan so‘ng, “Amir Temur siymosi jahon siyosatchilari nigohida” nomli videorolik namoyish etildi.
Tadbir davomida San’atshunoslik va Tarix fakulteti talabalari tomonidan tayyorlangan “Adolat bor joyda adovat bo‘lmas” nomli teatrlashgan musiqali kompozitsiya namoyish etildi. Musiqiy ta’lim kafedrasi katta o‘qituvchisi N.Boychaeva hamda Tarix fakulteti Yoshlar bilan ishlash bo‘yicha dekan o‘rinbosari F.Axchaevlar rahbarligida tayyorlangan ushbu kompozitsiyada Amir Temur siymosi talqin etildi.
Tadbir so‘nggida axborot-resurs markazi tomonidan tayyorlangan “Sohibqiron ruhi barhayot” nomli adabiyotlar ko‘rgazmasi qisqacha sharhlab berildi. Tadbir tashkilotchilari va faol ishtirokchilar institut rahbariyati tomonidan munosib taqdirlandi.
