Jizzax davlat pedagogika universitetida Jizzax shahar Favqulodda vaziyatlar boshqarmasi xodimlari hamkorligida xodimlar va talabalar uchun xavfsizlik bo‘yicha targ‘ibot tadbiri tashkil etildi.
Unda favqulodda vaziyatlarda to‘g‘ri harakat qilish, is gazidan zaharlanish, ovqatdan zaharlanish (botulizm)ning oldini olish hamda gaz va isitish moslamalaridan xavfsiz foydalanish masalalari yoritildi.
Ishtirokchilarga gaz jihozlari va mo‘rilarning sozligini tekshirish, xonalarni shamollatish, oziq-ovqat mahsulotlarini to‘g‘ri saqlash hamda yaroqlilik muddatiga rioya qilish bo‘yicha tavsiyalar berildi.
Shuningdek, zaharlanishning dastlabki belgilari kuzatilganda xavfsiz joyga chiqish va zudlik bilan tibbiy yordamga murojaat qilish zarurligi tushuntirildi.
Tadbirda yong‘in xavfsizligi qoidalariga rioya qilish va favqulodda vaziyatlarda tezkor hamda to‘g‘ri harakatlanish bo‘yicha muhim tavsiyalar berildi.
