Jizzax davlat pedagogika instituti Magistrlar bo‘limi hamda Sh. Rashidov tumani Halq ta’limi bo‘limiga qarashli 24 umumta’lim maktabi o‘qituvchilari hamkorlikda tashkillashtirlgan “Iqtidor shou” intellektual-zakovat o‘yini haqiqiy intelektuallarni bir joyga to‘pladi desak mubolag‘a qilmagan bo‘lamiz.
Institutning 1 kurs magistr talabalari va 24 son umumta’lim maktabi o‘qituvchilaridan tuzilgan 8 ta jamoa o‘rtasida bo‘lib o‘tgan “Iqtidor shou” intellekt o‘yinini professor F.Ahmedshina kirish so‘zi bilan ochib berdi. U o‘z so‘zida mana shunday tadbirlar orqali maktab o‘quvchilarini ham intellektual o‘yinlarni o‘tkazishga qiziqishi lozim ekanligini, ular esa aynan mana shunday zakovat o‘yinlari orqali ko‘proq motivatsiya olishlari mumkinligini ta’kidlab o‘tdi.
O‘yin uch bosqichda o‘tkazildi. Har bir bosqichda eng yuqori ball to‘plagan jamoalar e’lon qilindi. Qizg‘in bahs so‘ngida mavjud 8 jamoadan eng yuqori ball to‘plagan “Topqirlar” jamoasi 1 o‘rinni, “Zukkolar” jamoasi 2 o‘rinni, “Bilimdonlar “ jamoasi esa faxrli uchinchi o‘rinni egalladi.
Tadbir so‘ngida g‘olib jamoalar institut rektori Sh.Sharipovning faxriy yorlig‘i hamda esdalik sovg‘alari bilan taqdirlandilar. O‘z navbatida maktab jamoasi minnatdorchilik ramzi sifatida institut professor-o‘qituvchilari hamda faol magistrlarga tashakkurnoma va esdalik sovg‘alarini taqdim qilishdi.
“Bilim olishning erta-kechi yo‘q. Kishi biror notanish narsani ko‘rganda, notanish narsani eshitganda, uning nima ekani, qanday ma’no anglatishini bilishga qiziqishi lozim. Shunday yo‘l bilan inson qaysi yoshda bo‘lsa ham, ko‘p narsa o‘rganishi mumkin. Ko‘p narsa bilish esa ustoz degan sharafli maqomga ega bo‘lgan o‘qituvchi uchun faqat foyda beradi. Bugun bu yerda maktabning bitiriuvchi sinf o‘quvchilari ham ishtirok etishdi. O‘ylaymanki mana shunday qiziqarli, ilm olishga chorlovchi tadbirlar ular uchun bir mahorat darsi bo‘ldi “,- deydi Magistrlar bo‘limi dekani R. Yormatov.
