Vazirlar Mahkamasining “Xalqaro IT-sertifikatlarga ega yosh mutaxassislarni qoʻllab-quvvatlash chora-tadbirlari toʻgʻrisida” 2021-yil 19-maydagi 310-son qarori bilan 2021-yil 1-iyundan boshlab yoshlarning xalqaro IT-sertifikatlarini olish xarajatlarining 50 foizgacha boʻlgan qismini qoplab berish tartibi joriy etilgan. Shuningdek, “Xalqaro IT-sertifikatlar uchun oʻqishi va (yoki) xalqaro ITsertifikatlar olish xarajatlarining qoplanishi lozim boʻlgan miqdorlarni belgilash mezoni” hamda “Xalqaro IT-sertifikatlar roʻyxati” tasdiqlangan (https://it-istedod.uz/). Shu munosabat bilan, xalqaro IT-sertifikatlarga ega yoshlarning oʻqishi hamda ularning xalqaro IT-sertifikatlarni olishi uchun sarf qilgan xarajatlarining 50 foizgacha boʻlgan qismi qoplab berilmoqda. Qoʻshimcha maʼlumot uchun: Ushbu loyiha boʻyicha ariza topshirish https://my.gov.uz/ru/service/622 havolasi orqali amalga oshiriladi. Loyiha boʻyicha batafsil maʼlumotni www.it-istedod.uz veb saytidan olishingiz mumkin