Joriy yilning 17 aprel kuni institut axborot –resurs markazida «Axborot-kutubxona haftaligi» doirasida Xorijiy tillar fakultetining Ingliz tili o‘qitish metodikasi yo‘nalishi bilan hamkorlikda “Diniy ekstremizm va terrorizm-yoshlar kelajagiga tahdid” mavzusida tadbir tashkil etildi.Tadbirda fakultetning professor-o‘qituvchilari va talabalari hamda axborot-resurs markazi xodimlari ishtirok etdilar. Tadbirni fakultetning ma’naviy-ma’rifiy ishlar bo‘yicha dekan o‘rinbosari R.Abdushkurov kirish so‘zi bilan ochib berdi:
“Mazkur mavzuning dolzarbligi avvalo, aynan bizning asrimizda insonlarning ongi va qalbini egallash uchun kurashning har qachongidan ham ko‘proq kuchayib borayotganligi, bu kurashda turli ekstremistik, aqidaparast va mutaassib oqimlar insoniyat tinchligi hamda qadriyatlarga nisbatan katta tahdidga aylanib borayotganligi bilan bog‘liq”.
Shundan so‘ng, Jizzax shahar ichki ishlar boshqarmasi ”Terrorizmga qarshi kurash” bo‘limi boshlig‘i, mayor Xolmatov Ma’ruf “Diniy ekstremizm va terrorizm-kelajakka tahdid” mavzusida ma’ruza qildi: ”Bunday tahdid va tajovuzlar biror bir mamlakatga nisbatan ichkaridan yoki tashqaridan turib muayyan moddiy, siyosiy manfaatlarni ko‘zlagan holda amalga oshiriladi”.
Tadbir ishtirokchilar tomonidan mavzuga doir tayyorlangan sahna ko‘rinishi namoyishi bilan davom ettirildi. Bunda 206, 207, 208-guruh talabalari S.Suvonov, F.Abdullayeva, B.Sohibov, J.Normatov, B.Ubaydullayev, M.Ismatovlar faol ishtirok etdilar. So‘ngra, O‘zbekiston Respublikasi Ichki ishlar Akademiyasi 4-bosqich tinglovchilari Saydaliyeva Sojida hamda Shakarova Shahlo “Ekstremizm, terrorizm va axborot xurujlarining namoyon bo‘lish shakllari” mavzusida chiqish qildilar. Ushbu masala yuzasidan talabalar o‘z fikr-mulohazalarini bayon etdilar.
Shuningdek, axborot-resurs markazi xodimlari tomonidan tayyorlangan ”Biz diniy ekstremizm va terrorizmga qarshimiz” mavzusidagi adabiyotlar ko‘rgazmasi va shu mavzudagi disklar ishtirokchilarga qisqacha sharhlab berildi. So‘ngra, ARM bo‘lim boshlig‘i G.Irgasheva tomonidan mavzuga doir videolavha namoyish etildi.
Tadbirni Ingliz tili o‘qitish metodikasi kafedrasi mudiri R.Norbekova yakunlab,talaba-yoshlarni O‘zbekiston kelajagi uchun, tinch va osoyishta hayotimizni, mustaqilligimizni asrash uchun tayyor turishga chaqirdi.
Tadbir qatnashchilari: 58 kishi
Berilgan adabiyotlar: 73 ta
