Jizzax Olimpiya va Paralimpiya sport turlariga tayyorlash markazi sport majmuasida test sinovlari ikki smenada o‘tkazilmoqda.

Birinchi kunning ertalabki smenasida 700 nafardan ortiq abituriyent test sinovlarida ishtirok etyapti.

Jizzax davlat pedagogika universiteti jamoasi hamda belgilangan mas’ullar test sinovlari jarayonida jamoat tartibini ta’minlash, abituriyentlar va ularning kuzatuvchilariga tashkiliy ko‘mak ko‘rsatish ishlarida faol ishtirok etmoqda.

Test sinovlari o‘tkazilayotgan hududda abituriyentlarni qo‘llab-quvvatlash uchun kelgan ota-onalar va kuzatuvchilar uchun barcha zarur qulayliklar yaratilgan.

Ular uchun maxsus kutish joylari tashkil etilgan bo‘lib, badiiy jamoalar ishtirokidagi madaniy-konsert dasturlari namoyish etilmoqda.