Jizzax davlat pedagogika universiteti hamda “Unicorn International Foundation” nodavlat ta’lim muassasasi o‘rtasida o‘zaro anglashuv va hamkorlik memorandumi hamda xalqaro qo‘shma ta’lim dasturlariga abituriyentlarni jalb qilish va qabul qilish bo‘yicha hamkorlik shartnomasi imzolandi.

Hamkorlik doirasida: xalqaro qo‘shma ta’lim — Double Degree dasturlarini rivojlantirish, Foundation va tayyorlov dasturlarini tashkil etish, iqtidorli yoshlarni aniqlash va xalqaro ta’lim dasturlariga yo‘naltirish, talabalar va professor-o‘qituvchilar akademik mobilligini kengaytirish, qo‘shma ilmiy, innovatsion va xalqaro grant loyihalarini amalga oshirish, abituriyentlarni xalqaro ta’lim dasturlariga sifatli tayyorlash ko‘zda tutilgan.

Mazkur hamkorlik yoshlar uchun xalqaro standartlarga mos ta’lim olish imkoniyatlarini kengaytirish, ta’lim sifatini oshirish hamda universitetning xalqaro aloqalarini yanada rivojlantirishga xizmat qiladi.