xalqaro seminar-trening va ko‘rgazma tafsilotlari
Jizzax davlat pedagogika instituti Chet tillar fakulteti Ingliz tili nazariyasi va o‘qitish metodikasi kafedrasi “World.uz – O‘zbekistondagi chet elda oliy ta’lim agentligi” bilan hamkorlikda “Xorijda ta’lim olish imkoniyatlari” mavzusida offlayn va onlayn seminar-trening va ko‘rgazma o‘tkazdi. Seminar-treningda World.uz kompaniyasining malakali mutaxassislari Chet tillar fakulteti o‘qituvchilarini xususan TESOL dasturi va boshka til o‘qitish dasturlari bilan tanishtirdi va Master-klass o‘tkazishdi. Kelgusida fakultet o‘qituvchilarini malakasini oshirish dasturini tayyorlash uchun maxsus surovnomalar ham o‘tkazishdi.
Seminar- ko‘rgazmada Chet tillar fakulteti va institutimizning barchaa fakultetlari professor-o‘qituvchilari va talabalari ishtirok etishdi. Seminarni chet tillar fakulteti dekani Mamatov Abdug‘afur Eshonqulovich ochib berdi. Shundan so‘ng World.uz kompaniyasining koordinatorlari Angliya, Germaniya, Turkiya, Koreya davlatlarining nufuzli univesitetlaridagi bakalavr va magistratura ta’limi, qisqa muddatli almashinuv dasturlari, malaka oshirish, ishlash va sayoxat qilish “Work and travel” dasturlarini taqdimot qilishdi.
Tadbir javomida Zoom orqali Angliya va Germaniya universitetlari vakillari bilan vebinar ham o‘tkazildi. Talabalar o‘zlarini qiziqtirgan savollariga javob oldilar.
Taqdimotlardan so‘ng World.uz koordinatorlari tomonidan interaktiv o‘yinlar tashkil etildi va 40 ta talaba sahnaga taklif etildi. World.uz ta’lim dasturlari taqdimotlaridan savol-javob o‘tkazildi va barcha faol talabalar World.uz kompaniyasining sertifikatlari, futbolka va kepkalari bilan taqdirlandi
Tadbir so‘ngida Seminar-Eksponing barcha qatnashchilari World.uz kompaniyasi tashkil etgan kofe-breykdan bahramand bo‘lishdi, ishtirokchilarga turli xorij universitetlari broshyuralari, koordinatorlar tashrifnomalari va qiziqarli ma’lumotlar bilan boyitilgan bukletlar taqdim etildi.
