Тадбирни факультет декани доц. А.Пардаев кириш сўзи билан очиб берди. А.Пардаев ўз сўзида факультет талабалари ўртасида ўтказилаётган ушбу давра сўҳбати уларда китобхонлик маданиятининг ривожланишига, тафаккур шаклининг ўзгаришига ва дунёқараши кенгайишига хизмат қилиш билан бир қаторда Ўзбекистон Республикаси Президентининг 2019 йил 19-март куни ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббусининг тўртинчи “Ёшлар маънавиятини юксалтириш, улар ўртасида китобхонликни кенг тарғиб қилиш бўйича тизимли ишларни ташкил этишга йўналтирилган тадбирлар” режасига мувофиқлигини айтиб ўтди.
Шундан сўнг факультет проф-ўқитувчилари ўзлари севиб ўқиган, ҳаёт йўлида таъсир кўрсатган, мутахассисликга кириб келишига туртки бўлган ҳамда жуда бой ҳаётий ҳақиқатларга асосланган асарлар тўғрисида маълумот беришди ва талаба-ёшларни мазкур асарларни ўқишга даъват этди.
Давра сухбати сўнгида талабалар ҳам ўзлари ўқиган асарлар хусусида сўзлаб беришди ҳамда тенгдошларини ушбу асарларни ўқишга чорлади.
