Jizzax davlat pedagogika universiteti va Jizzax shahridagi Prezident maktabi hamda Sharof Rashidov tuman ixtisoslashtirilgan maktablari o‘rtasida hamkorlikni rivojlantirish maqsadida uchrashuv o‘tkazildi.

Tadbirni universitet rektori M.Yuldashev ochib berdi.

Uchrashuvda universitet va maktab rahbarlari, prorektorlar, xorijiy va mahalliy professor-o‘qituvchilar hamda iqtidorli o‘quvchilar ishtirok etdi. Tomonlar ta’lim sifatini oshirish, innovatsion yondashuvlarni rivojlantirish va “Ustoz-shogird” tizimini yo‘lga qo‘yish masalalarini muhokama qildilar.

Shuningdek, xorijiy o‘qituvchilarni universitet ta’lim jarayoniga jalb etish, fan o‘qituvchilari uchun mahorat darslari tashkil etish va o‘quvchilarni olimpiada hamda tanlovlarga tayyorlash masalalari ko‘rib chiqildi.

Uchrashuv yakunida Jizzax davlat pedagogika universiteti va Prezident maktabi o‘rtasida hamkorlik shartnomasi, universitet va Sharof Rashidov tuman ixtisoslashtirilgan maktablari o‘rtasida esa memorandum imzolandi.