Мамлакатимизда 30 июнь – Ёшлар куни!

 Қадрли ёшлар! Дунёда ҳукм сураётган пандемия юртимизни ҳам четлаб ўтмади. Мана шундай шароитда масофавий таълим орқали имкон даражасида онлайн дарслар ўтказилди. Кўпчилик бундай вазиятга тайёр эмаслиги билиниб қолган бўлсада, сизнинг ва устозларингизни тиришқоқлиги ҳамда маъсулияти сабаб юзага келган камчиликларни бартараф эта олдик. Мана шундай синовли дамларда жипслашиб, бирдамлик ила фаолликни қўлдан бермаган сиз талаба ёшларга ўз миннатдорчилигимни билдираман. Азиз  ёшлар! Ҳеч қачон ҳаракат қилишдан чарчаманг, журъатли бўлинг,  доимо  мақсадларингизга эришишга интилинг! Ўз устингизда ишланг!, Унутманг, ҳар қандай қийинчиликларни енгиш мумкин. Ўтган уч йил мобайнида Президентимиз раҳнамолигида мамлакатимиз ҳаётига дахлдор мисли кўрилмаган ислоҳотлар амалга оширилди.  Давлат раҳбарининг сиёсий иродаси,  қаттъияти биз кўзлаган  келажакка ишонч бағишлади.  Бу йўл эса ҳали жуда узоқ ва уни босиб ўтиш  осон эмас. Сизнинг ғоя ва интилишларингиз Ўзбекистон тараққиётида албатта ўз аксини топади. Кўп йиллик тажрибамга таяниб имкониятдан фойдаланиб сизларга шундай тилакларни билдираман “ Олий таълим олдим энди бўлди “ дея,  янги манба ва билим излаб топиш йўлидан тўхтаманг. Бутун умр  билим олишда давом этишни унутманг. Энг муҳими ҳалол ва содиқ бўлинг. Ҳурматли битирувчилар! Аввало сизни Жиззах давлат педагогика институтини муваффақиятли якунлаганингиз билан чин қалбимдан табриклайман! Бундан буён сиз  олийгоҳда  олган билим ва кўникмаларингиздан фойдаланиб, ўз қарорларингизни қабул қиласиз ва эзгу мақсадларингиз сари интиласиз.Мен  шуни ишонч билан айта оламанки бунинг учун сизда етарли куч, билим ва ташабусскорлик бор,  Билингки, сизларнинг ортингизда мана шу даргоҳда сиз учун қадрли бўлган, устозлар  бор. Ҳар бирингиз  бўлажак устоз сифатида юртимиздаги ҳар бир таълим масканига кераксиз! Зеро, яқин келажакда билимли ва иқтидорли фарзандларимиз кўпайиши ҳам айнан   сизга боғлиқ бўлади! Ҳаёт қисқа, кўз очиб юмгунча вақт ўтиб кетади. Шу боис дадил бўлинг ва ўз олдингизга юқори мақсадларни қўйинг. Уларга эришиш учун ноодатий, ностандарт ечимлардан фойдаланиш жасоратига эга бўлинг. Ишонинг  Бу фазилатларнинг барчаси сизни  муваффақиятга етаклайди. Ҳар қандай  қандай вазифа бўлмасин виждонан, юракдан бажаринг. Қалби қайноқ, орзулари бир олам ёшлар мен сизларинг кўзингизда  ўзингизга бўлган ишончни кўргим келади. Истардимки, ҳаёт йўлингизда куч-ғайрат, ютуқ ва омадлар ҳамроҳингиз бўлсин!   Жиззах давлат педагогика институти ректори  Ш.С.Шарипов