Joriy yilning 6 yanvar kuni Jizzax davlat pedagogika instituti axborot- resurs markazida Jizzax oliy aviatsiya bilim yurti bilan hamkorlikda “Milliy armiyamiz- faxrimiz”mavzusida tadbir bo‘lib o‘tdi. Mazkur tadbirda axborot – resurs markazi xodimlari hamda Jizzax oliy aviatsiya bilim yurti professor – o‘qituvchilar va kursantlari qatnashdilar.
Tadbirni ARM yetakchi mutaxassisi S. Isroilova kirish so‘zida: “ Davlatimiz rahbarining 2017 yilning 17 dekabrida “O‘zbekiston Respublikasi Qurolli Kuchlarining tashkil topganligining 26 yilligi va Vatan himoyachilari kuni bayramiga tayyorgarlik ko‘rish va uni o‘tkazish chora- tadbirlari to‘g‘risida”gi Farmoyishi ijrosini ta’minlash maqsadida Jizzax davlat pedagogika institutida Vatan himoyachilari kuni oldidan tadbirlar o‘tkazilmoqda.” Shuningdek, ana shu sanaga bag‘ishlab axborot – resurs markazida “Milliy armiyamiz – yoshlarning mardlik, matonat va jasorat maktabidir” shiori ostida tadbir bo‘lib o‘tdi.
Tadbirni Viloyat xokimligi ishlari bo‘yicha davlat maslaxatchisi Eshmatov Farrux so‘z olib, “Bugungi kunda Qurolli Kuchlar tizimida xizmat qilish nafaqat jismoniy tayyorgarlikni, balki yuksak aql- idrok, -intellektualsaloxiyat, alohida ruhiy ma’naviy xususiyat va fazilatlarga ega bo‘lishni, eng zamonaviy qurol- yarog‘larning sir – asrorlarini puxta egallashni taqoza etadi. Shu bois ham yoshlarimizni professional armiya saflarida yigitlik burchini o‘tashga tayyorlash muhim vazifa hisoblanadi” – deya ta’kidladi.
Shundan so‘ng Jizzax oliy aviatsiya bilim yurti yoshlar ittifoqi raisi , mayyor Ravshanov L. qo‘yidagilarni aytdi: “ Qurolli Kuchlar faoliyatining ochiqligi va oshkoraligini ta’minlash va yosh avlodni ma’nan hamda jismonan sog‘lom, milliy qadriyatlarimizni hurmat, Vatanga muhabbat hamda sadoqat, ruxida tarbiyalashdek ezgu maqsadlarga qaratilgani bilan ahamiyatlidir” – deb fikrini yakunladi
So‘ngra “Mardlar qo‘riqlaydi Vatanni!” nomli videorolik namoyish etildi.
