Joriy  yilning 23 oktabr kuni Jizzax davlat pedagogika instituti axborot – resurs markazi talabalar turar joyi tarmog‘ida   “Kutubxona –ziyo maskani” taqdimot tadbiri tashkil etildi. Tadbirga TTJda yashovchi barcha fakultet talabalari, axborot-resurs markazi xodimlari va TTJ tarbiyachilari ishtirok etdi.

Taqdimot tadbirini axborot-resurs markazi direktori R. Ishnazarova kirish so‘zi bilan ochib berdi va ARMning umumiy ish faoliyati mazmuni to‘g‘risida qisqacha ma’lumot berdi.

  ARMning talabalar turar joyi tarmog‘i kutubxonachisi N. Usmonova so‘z olib, kitobxonlar uchun yaratilgan sharoitlar, kitob fondining sohalar bo‘yicha tarkibi, kutubxonadan foydalanish qoidalari to‘g‘risida batafsil m’lumot berdi.

Shundan so‘ng, ARM yetakchi mutaxassisi S. Isroilova TTJ tarmog‘ida tashkil etilgan turli mavzudagi  adabiyotlar ko‘rgazmasini qisqacha sharhlab berdi. Jumladan, “Sharof Rashidov –elning suyukli farzandi”, “Yangi adabiyotlar sizlar uchun”, “O‘zbekiston Respublikasi birinchi Prezidenti I. Karimov asarlari” ko‘rgazmalari orqali talabalarga umumiy tushuncha berildi. Talabalar o‘zlarining qiziqtirgan savollarga yetarlicha ma’lumot oldilar.

 Tadbir so‘ngida, Respublikamizda  keng nishonlanishi kutilayotgan muhim tarixiy sana – buyuk davlat  va jamoat arbobi Sharof Rashidov tavalludining 100 yilligi munosabati bilan olib borilayotgan bunyodkorlik ishlari va joylarda tashkil etilayotgan ma’naviy- ma’rifiy tadbirlar xususida ARM bo‘lim boshlig‘i M. Hayitova kitobxonlarga o‘z fikrini bildirdi. Shuningdek, mMaktabgacha va boshlang‘ich ta’lim fakulteti 1- kurs talabasi Q. Yoriyeva va Tarix fakulteti 3- kurs  talabasi K. Haydarovlar  Sh. Rashidov hayoti va ijodiy faoliyati to‘g‘risida fikr bildirdi. Tabiiy fanlar fakulteti 1-kurs talabasi I. Saidova shoir A. Oripovning Sh. Rashidov xotirasiga bag‘ishlangan she’rini o‘qib berdi.

Taqdimot tadbirini ARM yetakchi mutaxassisi S. Isroilova yakunlab, talabalarning o‘qish va ishlariga omad tiladi.