Yangiliklar
Yangiliklar
|
04/02/2026
Chop etish
Jizzax davlat pedagogika universiteti va “Sinergiya” korporatsiyasi o‘rtasida hamkorlikni yo‘lga qo‘yish masalalari muhokama qilindi.

Jizzax davlat pedagogika universitetida “Sinergiya” korporatsiyasining vitse-prezidenti Yerofeyev Mixail Valeriyevich boshchiligidagi delegatsiya bilan uchrashuv bo‘lib o‘tdi.

Uchrashuv universitet rektori M.A. Yuldashevning Jizzax viloyatining iqtisodiy salohiyati va asosiy rivojlanish drayver yo‘nalishlari haqidagi ma’lumotlari bilan boshlandi. Shuningdek, universitet faoliyati, xususan, tibbiyot fakulteti haqida atroflicha axborot berildi. Uchrashuv davomida viloyat va universitet haqida tayyorlangan videoroliklar namoyish etildi hamda mehmonlarga universitet taqdimoti taqdim qilindi.

Shundan so‘ng muzokaralar boshlandi. Dastlab, tibbiyot sohasida hamkorlikni kuchaytirish masalalari muhokama qilindi. Muzokaralar davomida qo‘shma ta’lim loyihalari, rus tili va adabiyoti, maktabgacha ta’lim, pedagogika va psixologiya, inklyuziv ta’lim, turizm va menejment yo‘nalishlarida qo‘shma ta’lim dasturlarini ishlab chiqish, shuningdek, masofaviy ta’limni yo‘lga qo‘yish, pedagoglarni malakasini oshirish bo‘yicha takliflar bildirildi. Yo‘l xaritasi ishlab chiqishga kelishib olindi. Uchrashuv yakunida mehmonlarga esdalik sovg‘alari topshirildi.

Ma’lumot uchun: “Sinergiya” korporatsiyasi Rossiya Federatsiyasida faoliyat yurituvchi yirik xususiy biznes-korporatsiya bo‘lib, ta’lim va biznes yo‘nalishidagi 50 dan ortiq tashkilot va kompetensiya markazlarini birlashtiradi. Korporatsiya ta’lim, marketing va texnologik xizmatlar sohasida keng ko‘lamli faoliyat olib boradi.


Ulashish:
2 786
Boshqa rubrikalarda mashhur

Rahbar va yoşlar uçraşuvi:Ijtimoiy qöllab-quvvatlaş va teng imkoniyatlar
Jizzax davlat pedagogika universitetida Özbekiston Nogironlar jamiyati Markaziy boşqaruvi raisi Komiljon Abdullayev, iştirokida nogironligi bölgan talabalar bilan uçraşuv ötkazildi.
Payşanba-Rahbar va yoşlar uçraşuvi: Talabalar taşabbuslari qöllab-quvvatlandi
Jizzax davlat pedagogika universitetida «Payşanba — rahbar va yoşlar uçraşuvi» doirasida Amaliy fanlar pedagogika oliy maktabi hamda Jismoniy tarbiya va sport fakulteti talabalari iştirokida rektor...
JDPUda korrupsiyaga qarshi kurashish bo‘yicha talabalar klubi yig‘ilishi o‘tkazildi
Jizzax davlat pedagogika universitetida Korrupsiyaga qarshi kurashish bo‘yicha talaba-yoshlar klubi yig‘ilishi tashkil etildi.