«Maktabgacha va boshlang‘ich ta’limda xorijiy til» kafedrasi tomonidan tashkil etilgan xalqaro konferensiyada yurtimizdagi bir qator OTMlaridan professorlar va xorijlik olimlar ishtirok etishdi.

Xalqaro ilmiy-amaliy anjumanda a chet til orqali ta’lim-tarbiya berish jarayoni o‘qitish metodikasi va innovatsiyalar, an’analar, o‘qituvchi chet tili darsini o‘qitish metodidan to‘g‘ri foydalanish orqaligina darsni to‘g‘ri tashkil qilishi mumkinligi haqida so‘z bordi.

Shuningdek, chet tilini o‘qitish metodikasi, chet tili darslarining ta’lim me’yorlarini o‘quvchilarga darsda va darsdan tashqari mustaqil ta’lim materiallarni qanday o‘tkazishni belgilab berishi, hozirgi kunda ingliz tilini o‘rganishda turli darajadagi muloqot qobiliyatlarini rivojlantirish juda muhim ahamiyatga ega ekanligi muhokama qilindi.

Kunning ikkinchi yarmida konferensiya Ta’limda xalqaro tajribalar va rivojlanish istiqbollari. Maktab va maktabgacha ta’limda ingliz tilini o‘rgatishning dolzarb muammolari va rivojlantirish tendensiyalari, Filologik tadqiqotlar: til, adabiyot, ta’lim mavzularidagi shu’balarga bo‘lingan holda davom ettirildi.