JDPUda xalqaro hamkorlik doirasida boks bo‘yicha master-klass va shartnoma imzolandi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
JDPUda xalqaro hamkorlik doirasida boks bo‘yicha master-klass va shartnoma imzolandi.

Yangiliklar

25/02/2026

Chop etish

JDPUda xalqaro hamkorlik doirasida boks bo‘yicha master-klass va shartnoma imzolandi.

Revolution Boxing Promotion kompaniyasi bilan o‘zaro kelishuv asosida Jizzax davlat pedagogika universitetida sport faoliyatining boks yo‘nalishi talabalari uchun maxsus master-klass tashkil etildi.

Tadbirda kompaniya vakili Ventzislav Georgiyev, shuningdek Bolgariyalik 2 nafar professional bokschi va murabbiylar ishtirok etdi. Mashg‘ulotlar davomida talabalarga jang oldidan tayyorgarlik jarayonlari, professional boksda taktik yondashuv, jismoniy va psixologik tayyorgarlik masalalari bo‘yicha amaliy ko‘rsatmalar berildi.

Master-klass doirasida universitet rektori hamda kompaniya menejeri Ventzislav Georgiyev o‘rtasida rasmiy uchrashuv bo‘lib o‘tdi. Muzokaralarda boks sportini rivojlantirish, xalqaro musobaqalarni yo‘lga qo‘yish, iqtidorli yosh sportchilarni qo‘llab-quvvatlash hamda JDPU talaba va murabbiylarini xalqaro sport tadbirlariga jalb etish masalalari muhokama qilindi.

Uchrashuv yakunida Ventzislav Georgiyev tomonidan universitet rektoriga ramziy statuetka topshirildi. Shuningdek, universitet tomonidan ham mehmonlarga esdalik sovg‘alari taqdim etildi.

Tadbir so‘ngida Revolution Boxing Promotion hamda JDPU o‘qituvchisi, professional bokschi BoboUsmon Baturov o‘rtasida professional boks janglarida ishtirok etish bo‘yicha shartnoma imzolash marosimi bo‘lib o‘tdi.

3 Sog‘liq va farovonlik

Boshqa rubrikalarda mashhur

Barcha Rubrikalar

JDPU xodimlarining farzandlari yozgi sog‘lomlashtirish oromgohiga kuzatildi

Jizzax davlat pedagogika universiteti Kasaba uyushmasi qo‘mitasi tomonidan professor-o‘qituvchilar va xodimlarning farzandlari uchun yozgi dam olishni mazmunli tashkil etish maqsadida navbatdagi sog‘lomlashtirish tadbiri amalga oshirildi.

JDPU va “Unicorn International Foundation” o‘rtasida hamkorlik hujjatlari imzolandi

Jizzax davlat pedagogika universiteti hamda “Unicorn International Foundation” nodavlat ta’lim muassasasi o‘rtasida o‘zaro anglashuv va hamkorlik memorandumi hamda xalqaro qo‘shma ta’lim dasturlariga abituriyentlarni jalb qilish...

Jizzaxda test sinovlarining ikkinchi kuni davom etmoqda

Jizzax Olimpiya va Paralimpiya sport turlariga tayyorlash markazi sport majmuasida imtihonlar ikki smenada tashkil etilmoqda. Kun davomida 1 500 ga yaqin abituriyent test sinovlarida ishtirok...