Anjuman doirasida University of Georgia professorlari ishtirokchilarga ingliz tilini o‘qitishda zamonaviy yondashuvlar va ilg‘or tajribalar bo‘yicha ma’ruzalar taqdim etmoqda.

Ma’ruzalarda, xususan, sun’iy intellektning til o‘qitish jarayonidagi afzalliklari va ehtimoliy xavflari, uni dars samaradorligini oshirishda samarali qo‘llash imkoniyatlari haqida atroflicha ma’lumot berildi.

Shuningdek, talabalarni kichik guruhlarga bo‘lish orqali ularning yozma nutq ko‘nikmalarini rivojlantirish, turli interaktiv metodlardan foydalanish hamda ta’lim samaradorligini oshirish bo‘yicha amaliy tavsiyalar bildirildi.

Konferensiya doirasida ingliz tili va boshqa xorijiy tillarni o‘qitishda hududiy muhit, milliy urf-odatlar va tarixiy omillarning ahamiyati, ularning til o‘rganish jarayoniga ta’siri ham alohida ta’kidlandi. Ekspertlar til ta’limida madaniy omillarni hisobga olish ta’lim samaradorligini oshirishda muhim ahamiyatga ega ekanini qayd etdilar.

Shuningdek, til ehtiyojlarini aniqlash asosida o‘quv rejalarini takomillashtirish, xorijiy tillarni amaliyotda samarali qo‘llash, talabalarning kommunikativ kompetensiyalarini rivojlantirish masalalari bo‘yicha ham ishtirokchilarga muhim ma’lumotlar taqdim etilmoqda.