“Iqtidorli talabalar – kelajak bunyodkorlari» shiori ostida taqdirlash marosimi o‘tkazildi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“Iqtidorli talabalar – kelajak bunyodkorlari» shiori ostida taqdirlash marosimi o‘tkazildi.

Yangiliklar

23/02/2026

Chop etish

“Iqtidorli talabalar – kelajak bunyodkorlari» shiori ostida taqdirlash marosimi o‘tkazildi.

Jizzax davlat pedagogika universitetida xalqaro anjuman doirasida xorijlik ekspertlar hamda iqtidorli talabalarni taqdirlash marosimi bo‘lib o‘tdi.

Tadbirda universitet rektori Yuldashev Maksudjan Abdullaevich so‘zga chiqib, xorijlik mutaxassislarga samarali hamkorlik va qo‘llab-quvvatlov uchun minnatdorlik bildirdi. Shuningdek, mamlakatimizda yoshlarga yaratilayotgan imkoniyatlar va davlat siyosati darajasidagi e’tiborni alohida ta’kidladi. Rektor 2025–2026 o‘quv yilida nufuzli davlat stipendiyalari g‘olibi bo‘lgan 13 nafar talabani samimiy tabriklab, ularning yutuqlari universitet nufuzini yanada yuksaltirishini qayd etdi. Jumladan, talabalar O‘zbekiston Respublikasi Prezidenti stipendiyasi hamda boshqa davlat stipendiyalariga sazovor bo‘ldi.

Shuningdek, Buxoro shahrida o‘tkazilgan xalqaro fan olimpiadalarida universitet talabalari kimyo va matematika yo‘nalishlari bo‘yicha munosib ishtirok etib, medallarni qo‘lga kiritdi.

Tantanali marosim avvalida xorijlik mehmonlar maxsus sertifikatlar bilan taqdirlandi. Keyin esa davlat stipendiyalari g‘oliblari va xalqaro olimpiadalarda yuqori natija ko‘rsatgan talabalarga faxriy yorliq hamda esdalik sovg‘alari topshirildi.

Tadbir yakunida universitet badiiy jamoalari ijrosida madaniy dastur namoyish etildi. Marosim ko‘tarinki ruh va samimiy muhitda yakunlandi.

4 Sifatli ta’lim 8 Munosib ish va iqtisodiy o‘sish

Boshqa rubrikalarda mashhur

Barcha Rubrikalar

JDPUda «Rahbar faoliyati va mahorati» mavzusida seminar-treninglar mashg‘ulotlariga start berildi.

Seminarda Toshkent davlat o‘zbek tili va adabiyoti universiteti huzuridagi “Pedagog kadrlarni qayta tayyorlash va ularning malakasini oshirish” tarmoq markazining katta o‘qituvchisi Ishmuhamedov Ravshan Jo‘rayevich «Rahbar...

“Kelajakka qadam” — yoshlar uchun yangi imkoniyatlar sari yo‘l!

“Kelajakka qadam” dasturi doirasida yoshlar va bitiruvchilarni qo‘llab-quvvatlash, ularning tadbirkorlik tashabbuslarini rivojlantirish hamda yangi kasblarni egallashiga ko‘maklashish uchun moliyaviy imkoniyatlar taqdim etilmoqda

Jizzax davlat pedagogika universiteti huzuridagi «Pedagog» talaba sport klubining hisobot-saylov konferensiyasi bo‘lib o‘tdi

Konferensiyada sport klubining amalga oshirgan ishlari, erishilgan natijalari hamda kelgusidagi vazifalari muhokama qilinib, klub raisi o‘rinbosari Hoshim Komilovning hisoboti tinglandi.