Jizzax davlat pedagogika universitetida “Kelajak pedagoglari uchun global mahorat darslari” forumi doirasida AQSHning University of Georgia professor-o‘qituvchilari tomonidan talabalar uchun mahorat darslari tashkil etildi.

Ma’lumki, joriy yil 21-fevral sanasidan boshlab universitetda University of Georgia hamda GATESOL Conferences bilan hamkorlikda xalqaro anjuman o‘tkazilgan edi. Mazkur mahorat darslari ushbu anjumanning mantiqiy davomi sifatida tashkil etildi.

Seminar-treninglar xorijlik ekspertlar — David Chiesa, Alisa Leckie, Rebecca Raab, Amy Morales hamda Susan Mann tomonidan olib borildi. Har bir mutaxassis o‘z yo‘nalishi doirasida taqdimot va amaliy mashg‘ulotlar o‘tkazdi.

Interaktiv formatda tashkil etilgan darslar talabalarga zamonaviy pedagogik yondashuvlar bilan tanishish, xalqaro tajriba almashish hamda kasbiy motivatsiyani oshirish imkonini berdi. Forum doirasidagi ushbu tadbir kelajak pedagoglarining kasbiy kompetensiyalarini rivojlantirishga xizmat qiladi.