O‘zbekiston Respublikasi Prezidenti Davlat stipendiyalari hamda nomli Davlat stipendiyalariga nomzodlarni saralash jarayonini o‘tkazish uchun O‘zbekiston Respublikasi Vazirlar Mahkamasining 2008 yil 13-oktyabrdagi № 226-sonli “O‘zbekiston iqtidorli yoshlarini taqdirlash va moddiy rag‘batlantirish to‘g‘risida”gi qarori bilan tasdiqlangan “Talabalar uchun O‘zbekiston Respublikasi Prezidentining Davlat stipendiyalari va ularni tayinlash to‘g‘risida Nizom” va “Davlat stipendiyalari va ularni tayinlash tartibi to‘g‘risida Nizom”lariga muvofiq, O‘zbekiston Respublikasi Prezidentining 2017 yil 5 iyundagi “O‘zbekiston Respublikasi Prezidentining ayrim hujjatlariga o‘zgartirishlar kiritish, shuningdek ba’zilarini o‘z kuchini yo‘qotgan deb hisoblash to‘g‘risida”gi PF-5069-son Farmonini ijrosini ta’minlash hamda “O‘zbekiston Respublikasi Davlat stipendiyasiga nomzodlarni saralash to‘g‘risida”gi Oliy va o‘rta maxsus ta’lim vazirligining 23.05.2015 yil № 87-02-1070-sonli xatiga asosan Davlat stipendiyasiga nomzodlarni saralashning 1-bosqichi institutda 2-3-4-iyul kunlari belgilangan tartibda o‘tkaziladi.
Tanlovda ishtirok etmoqchi bo‘lgan nomzodlardan tegishli hujjatlarni dekanat taqdimnomasi bilan birga 2018 yil 28 iyungacha kuni Ilmiy tadqiqot va ilmiy-pedagogik kadrlar tayyorlash bo‘limiga topshirishlari so‘raladi.
Manzil: Institut bosh binosi, 2-qavat, Ilmiy tadqiqot va ilmiy-pedagogik kadrlar tayyorlash bo‘limi, Tel: 0372-226-25-51
