Chet tillar fakulteti dekani prof. A.Mamatov 2020 yil 20 Avgust kuni Fakultet guruh murabbiylari, guruh sardorlari va guruhlardgai faol, iqtidorli talabalar bilan onlayn uchrashuv o`tkazdi.
Ushbu uchrashuv ZOOM platformasi orqali onlayn tarzda bo`lib o`tdi. Dastlab, onlayn muloqotni Fakultet dekani prof. A.Mamatov kirish so`zi bilan boshlab barcha ishtirokchilarni kirib kelayotgan mustaqillik bayrami va yangi o`quv yili bilan tabriklab o`tdi. Fakultet dekani o`z ma`ruzasida yangi o`quv yiliga tayyorgarlik, talabalarning axloqiy-ma`naviy qiyofasi, kredit-modul tizimiga tayyorgarlik jarayoni hamda Mustaqilligimizning 29 yilligiga tayyorgarlik ko`rish masalalari borasida to`xtalib o`tdi.
Shundan so`ng, onlayn muloqotni Fakultet Yoshlar bilan ishlash bo`yicha dekan o`rinbosari F.Usanov o`z taqdimoti bilan davom ettirdi. F.Usanov o`z taqdimotida talabalarning ma`naviy qarashlari, pandemiya vaqtida ham axloq-odob qoidalariga doimo rioya qilishlari, institut miqyosida o`tkazilayotgan onlayn tanlov va tadbirlarda faol ravishda ishtirok etishlari haqida so`zladi. Talabalarning turli savollariga javob berdi.
