O‘zbekiston mustaqilligining o‘ttiz yilligi munosabati bilan Jizzax davlat pedagogika institutining barcha fakultetlari va kafedralarida, guruhlarda yangi o‘quv yilining ilk kunlarida “Yangi O‘zbeksitonda erkin va farovon yashaylik ” g‘oyasi ostida “Mustaqillik darslari” hamda “Birinchi kurs maktabi” tadbirlari tashkil etilmoqda.
BIRINChI KURS MAKTABI (ORIENTATION WEEK) tadbirirng ilk uchrashuviga institutning Chet tillar hamda Rus tili va adabiyoti fakultetining birinchi kursiga tavsiya etilgan talaba yoshlar, ustozlar taklif etildi.
Tadbirni Jizzax davlat pedagogika instituti rektori Sh.S.Sharipov kirish so‘zi bilan ochib berdi. U o‘z so‘zida bugungi kunda yurtimizda yoshlarga yaratilayotgan keng imkoniyatlar, xususan chet tillarni o‘rganish va o‘rgatish borasida olib borilayotgan tahsinga loyiq ishlar xususida to‘xtaldi.
Tadbir davomida fakultet dekanlari ham so‘zga chiqib talabalarga institutning strukturasi, fakultetlar tarixi va jamoasi bilan tanishtirib, ularning bilim olishlari uchun bugun bu dargohda barcha sharoitlar yaratilganligini bunga javoban ulardan faqat izlanish, bilim olish talab etilishini ta’kidlab o‘tishdi.
Tadbir so‘ngida talabalar ham o‘z fikr mulohazalarini, takliflarini bildirib o‘tishdi.
-Men Jizzax davlat pedagogika instituti Chet tillar fakultetiga grant asosida qabul qilingan baxtli talabalardan biriman, bugungi tadbirda ishtirok etayotgan barcha tengdoshlarimni talabalik baxtiga muyassar bo‘lganliklari bilan tabriklayman. Men ham ushbu uchrashuvda o‘z taklifimni bildirdim. Taklifim mana shunday ochiq muloqotlar tez-tez o‘tkazilib turilsa, samimiy ruhdagi suhbatlar yoshlarga motivatsiya beradi va bu o‘z navbatida Faol, bilimdon talabalarimiz safi kengayishiga xizmat qiladi,-deydi Diyorbek Tojiev
-Men bu yil matkbni bitirib ilk urinshidayoq grant asosida Jizzax davlat pedagogika institutining Rus tili va adbiyoti fakultetiga o‘qishga kirdim,-deydi Nizom Xusanov. Bugungi uchrashuv menda chuqur tassurot qoldirdi. Davlat rahbari ta’kidlaganlaridek biz yoshlar kelajak yaratuvchisimiz…Yangi O‘zbeksitonni ham faol, bilimdon, zukko yoshlar barpo etadi. Maqsadim a’lo bilimlarga o‘qish, yurtimga nafim tegadigan yetuk mutaxassis bo‘lish.
Talabalarini oliygohdagi mavjud shart-sharoitlarga ko‘niktirish, moslashtirish jarayonini samarali tashkil etish bo‘yicha tashkil etilgan Orientation week (Birinchi kurs maktabi) tadbiri ana shunday samimiy muloqot va savol javoblar asosida bo‘lib o‘tdi.
