“Ilm, ma’rifat va raqamli iqtisodiyotni rivojlantirishda yosh xotin-qizlarning innovatsion g‘oya va tashabbuslari” Jizzax davlat pedagogika institutida bo‘lib o‘tgan ONLAYN konferensiya shunday nomlandi.
Yurtimizdagi barcha Ma’naviyat va ma’rifat markazlari xodimlari , OTM Xotin-qizlar masalalari bo‘yicha maslahatchilari, talaba yoshlar ishtirokida o‘tkazilgan Konferensiyani JDPI Yoshlar bilan ishlash bo‘yicha prorektor S.Nazarqosimov, kirish so‘zi bilan ochib berdi .
Ma’ruza uchun so‘zga chiqqanlar ushbu konferensiyaning dolzarbligi, yosh xotin-qizlarning innovatsion g‘oya va tashabbuskorligi, ularning har bir sohada o‘z mavqeiga ega ekanligi, ayniqsa xotin-qizlarning ish bilan bandlik masalalariga, shuningdek “Bo‘lajak o‘qituvchilarda kasbiy madaniyatni shakllantirish” mavzusi doirasida OTM talaba-qizlarining kasbga yo‘naltirish, o‘zi tanlagan kasbning qadriga yetish, puxta egallash, o‘z ustida ko‘proq ishlash, pedagogik tizimni tashkil etish va kasbiy tafakkur tushunchalariga ega bo‘lish masalalari to‘g‘risida tushunchalar berib o‘tishdi.
