Jizzax davlat pedagogika universitetida 2025–2026-o‘quv yilida talabalar safiga qabul qilingan 13 nafar chin yetim hamda ota-ona qaramog‘idan mahrum bo‘lgan talaba-yoshlar bilan uchrashuv tashkil etildi.

Tadbirda universitetning yoshlar masalalari va ma’naviy-ma’rifiy ishlar bo‘yicha birinchi prorektori F. Aqchaev ishtirok etdi hamda talaba-yoshlar bilan samimiy suhbat o‘tkazdi.

Suhbat davomida talabalarga universitetda yaratilgan shart-sharoitlar, o‘quv jarayoni, yotoqxona bilan ta’minlanish masalalari, shuningdek, qonunchilikda belgilangan imtiyozlardan to‘liq foydalanish imkoniyatlari haqida batafsil ma’lumot berildi.

Uchrashuv davomida talabalar o‘zlarini qiziqtirgan savollarga javob olishdi. Iliq va samimiy ruhda o‘tgan tadbir yoshlar uchun ruhiy dalda bo‘ldi desak xato qilmagan bo‘lamiz.