Jizzax davlat pedagogika instituti “Madaniyat saroyida” bo‘lib o‘tgan tantanali tadbir ana shunday nomlandi .
1992 yil 14 yanvar kuni mustaqil davlatimiz tarixida yana bir muhim qadam quyildi. Shu kuni mamlakatimiz hududidagi barcha harbiy qism va bo‘linmalarni O‘zbekiston yurisdiksiyasiga o‘tkazish to‘g‘risida qaror qabul qilindi. 1993 yildan e’tiboran 14 yanvar -O‘zbekistonda «Vatan himoyachilari kuni» sifatida nishonlanmoqda. Zero ona Vatanni himoya qilish har bir farzand uchun muqaddas yigitlik burchi hisoblanadi. Bu sharafli ishga butun vujud, qalb, iymon-e’tiqod bilan tayyor turish, hamisha sergak va ogoh bo‘lish, zamonaviy harbiy va texnik bilimlarni puxta egallash talab etiladi. Shu boisdan ham farzandlarimizni ajdodlardan bizga meros bo‘lib kelayetgan ezgu fazilatlar hisoblanmish mardlik, matonat va jasorat ruhida tarbiyalash bugungi kunning muhim vazifalaridan biri sanaladi. Tantanali tadbirda so‘z olganlar Vatanni himoya qilish El-yurt tinchligini asrash, halkimizning buyuk kelajakka bo‘lgan ishonchini mustahkamlash, mustaqil O‘zbekistonning halkaro hamjamiyat saflardagi o‘rni va nufuzini oshirish, har qaysi davlatning chegaralarini daxlsiz saqlashda harbiy kuch-qudrat, qurolli kuchlar suv bilan havodek zarurligini ta’kidlab o‘tishdi.
Yuqoridagilardan kelib chiqqan holda, aytish joizki bu kabi bayram tadbirlari yoshlarni Vatanga muhabbat va sadoqat, harbiy vatanparvarlik ruhida tarbiyalashga xizmat qilishi, milliy armiyamiz saflarida o‘z burchlarini o‘tash ishtiyoqini yanada kuchaytirishi shubha siz.Zero obod va ozod yurtning qadrini bilmaydigan va uni himoya qila olmaydigan millat hech qachon ravnaq topmaydi .
Tadbir so‘ngida institut badiiy jamoasi tomonidan tayyorlangan kuy qo‘shiqlar va harbiylar hayoti bilan bog‘liq turli qiziqarli sahnaviy ko‘rinishlar yig‘ilganlar e’tiboriga havola etildi.
Jizzax davlat pedagogika instituti axborot xizmati .
