O‘z yurtida kamstiligan ona tilim
Aslida “Davlat tili to‘g‘risida”gi Qonunimiz chiqqaniga naqd o‘ttiz yil bo‘ldi. Lekin kimlargadir bu qonun hali ham ma’qul kelmaydi . Darrov tanqiddan boshlamang deyishingiz mumkin. Lekin atymasam dilim kuyadi-da. Necha yillardan beri tilimizning mavqeini ko‘taramiz deb ahyuhannos solamiz. Bu borada turli maqola-yu chiqishlar ham qilindi. Ammo nima o‘zgardi?
Bugun ko‘cha ko‘yda, turli tillarda bitilgan ( g‘ij-g‘ij xatolarga to‘la) e’lonlarni bemalol o‘qiymiz, ko‘ramiz. Ayrim tashkilotlarga borib rus tilida bitilgan so‘rovnoma-yu hujjatlarga rus tilida javob yozamiz. Eng dahshatlisi ko‘pchiligimiz bilsak -bilmasak har bir so‘zimizda “ajnabiy “ so‘zlarni qo‘shib gapiramiz…va bundan faxr tuyamiz.
Bugun ijtimoiy tarmoqlarni ham “ o‘z tili “ paydo bo‘lgan. Masalan “ ok ” buni bir birimiz bilan bemalol muloqotda ham ishlatamiz.” Ok” ni yozish biz uchun qulay va yengil. Tilimizning bundan ,bir necha yillar avval (50-60) yil muomaladagi so‘zlari hozir deyarli unutilib ketgan. Farzandlarimizning “ Aralash til”li bo‘lib voyaga yetayotgani tashvishga soladi. Siz qanday fikrdasiz aziz talabalar ?
Fikr mulohazalaringizni @jspi_axborot_xizmati yozishingiz mumkin. Jizzax davlat pedagogika instituti axborot xizmati tomonidan ma’qul deb topilgan mulohazali maqolalarni saytimizda e’lon qilib boramiz.
Jizzax davlat pedagogika instituti axborot xizmati
