Vengriya hukumati o‘zining “Stipendium Hugaricum” ta’lim grantlari dasturi doirasida ushbu mamlakat OTMlarida o‘qish uchun 2024/2025-o‘quv yili uchun O‘zbekiston yoshlariga 170 ta o‘rinli ta’lim grantini e’lon qiladi.

Ushbu kvota turli ta’lim sohalari va ta’lim bosqichlari kesimida quyidagicha taqsimlangan:

– bakalavriat uchun har yili ko‘pi bilan 20 ta stipendiya ajratiladi;

– magistratura bosqichi uchun 60 ta stipendiya ajratiladi;

– bakalavriat bilan bo‘linmas bir bosqichli magistratura (besh/olti yillik uzluksiz oliy ta’lim – “OTM – one-tier master”) mutaxassisliklari uchun har yili ko‘pi bilan 10 ta (o‘n) stipendiya ajratiladi;

– istalgan soha bo‘yicha to‘liq doktorantura PhD dasturlari uchun 60 ta stipendiya ajratiladi;

– Jismoniy tarbiya universiteti (Vengriyada) tomonidan taklif etiladigan aynan sport sohasidagi ta’lim dasturlarida o‘qish uchun ko‘pi bilan 20 ta (yigirma) stipendiya ajratiladi.

Hujjatlar onlayn tartibda 2024-yil 15-yanvar soat 14:00 qadar qabul qilinadi.

Shuningdek, muhandislik-texnika, tibbiyot, farmatsevtika, biotexnologiya, kimyo, geologiya, fizika, axborot texnologiyalari, sun’iy intellekt, energetika, muqobil energiya manbalari va boshqa shu kabi yo‘nalishlarga hujjat topshirganlarga ustuvorlik beriladi.

Batafsil ma’lumot – https://stipendiumhungaricum.hu/

“Arizalar qabuli to‘g‘risida e’lon” (“Call for Applications” – hujjatlarni topshirish tartibi) bilan tanishib chiqishingizni so‘raymiz. Stipendium Hungaricum – https://stipendiumhungaricum.hu/apply/ saytida keltirilgan.

Barcha hujjatlarni onlayn shaklda to‘g‘ridan-to‘g‘ri “Tempus Public Foundation” (Vengriya tomonidan ushbu stipendiya dasturining muvofiqlashtiruvchisi) ko‘rsatgan platformaga yuborish kifoya

Xalqaro hamkorlik bo‘limi!

Tel: +998912090766