2023/2024-o’quv yili uchun O’zbekiston Respublikasi Prezidenti, Islom Karimov va Navoiy nomidagi davlat stipendiyalari tanlovi e’lon qilinadi.

O’zbekiston Respublikasi Prezidenti stipendiyasi tanlovida barcha yo’nalishlardagi 3-bosqichni tugatgan bakalavriat hamda 1-bosqichni tugatgan magistratura talabalari ishtirok etishi mumkin.

Islom Karimov va Navoiy nomidagi davlat stipendiyalari tanlovida 2 va 3-bosqichni tugatgan bakalavriat  talabalari ishtirok etishi mumkin.

Tanlovda qatnashish uchun talabgorlar quydagilarga muvofiq bo’lishi lozim:

O’zbekiston Respublikasi Prezidenti stipendiyasi tanloviga:

Barcha fanlarni o’zlashtirish darajasi a’lo (5 baho)  bo’lishi shart;

Islom Karimov va Navoiy nomidagi davlat stipendiyalari tanloviga:

Barcha fanlardan o‘zlashtirish ko‘rsatkichlari “a’lo” (ko‘pi bilan 25 foizi “yaxshi”) bo‘lishi kerak

Tanlovda qatnashish uchun talabgorning arizasi quydagi hujjatlarni jildlagan holda  iqtidor.jdpu.uz platformasi orqali joriy yilning 17-iyulidan 25-iyuliga qadar qabul qilinadi.

Nomzodning sinov daftarchasidan ko’chirma,

Tegishli fakultet dekani yoki kafedra mudirining tavsiyanomasi,

Ilmiy rahbar tavsiyanomasi,

Ilmiy tadqiqot ishlari,

Boshqa yutuqlari.