Britaniya Kengashi tomonidan Oʻzbekiston davlat Jahon tillari universitetida «Innovations in PRESETT» mavzusida yangi loyiha seminari boʻlib oʻtdi. Ushbu seminardan koʻzlangan asosiy maqsad Ingliz tilini oʻqitishda oʻquv dasturlariga yangi innovatsion modullarni kiritish, isloh qilish va tilni oʻqitishda, baholashda samaradorlikka erishish etib belgilandi. Seminar Buyuk Britaniyaning «Global Assessment» tashkilotining xalqaro eksperti Viktoriya Klark tomonidan olib borildi. Viktoriya Klark PRESETT dasturidagi modul «Language Testing and Assessment» modulini qaytadan isloh qilishning ahamiyati, dolzarbligi boʻyicha yangi loyiha ishlab chiqilishi lozimligini taʼkidlab oʻtdi va ushbu loyihaga respublikadagi 18 ta OTMlar vakillari kiritildi. Jizzax davlat pedagogika universiteti Ingliz tili oʻqitish metodikasi kafedrasi ham ushbu loyiha aʼzosi sifatida ishtirok etdi va seminar davomida kelgusi rejalar, loyiha bosqichlari muhokama etildi.
