Jizzax davlat pedagogika universitetida 19-avgustdan 25-avgustgacha universitet ichida mos va turdosh yo’nalishlarga o’qishini ko’chirmoqchi bo‘lgan talabalarning arizalari offline qabul qilinadi.
Arizalar Oʻzbekiston Respublikasi Prezidentining 2022-yil 15-iyundagi “Davlat oliy ta’lim muassasalariga o‘qishga qabul qilish jarayonlarini tashkil etish to‘g‘risida”gi PQ-279-sonli qarori hamda O‘zbekiston Respublikasi Vazirlar Mahkamasining 2017-yil 20-iyun “Oliy ta’lim muassasalariga o‘qishga qabul qilish, talabalar o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida”gi 393-sonli qarori bilan tasdiqlangan Oliy ta’lim muassasalarining bakalavriatiga talabalarni o‘qishga qabul qilish tartibi to‘g‘risida NIZOMGA asosan ichki komissiya tomonidan ko‘rib chiqiladi va tegishli xulosalar beriladi.
Talabalardan quyidagi hujjatlarni qabul qilinadi:
Ariza (joyida to’ldiradi)
Pasport nusxasi
Transkript
Ariza topshirmoqchi bo‘lgan talabalar 115-xonada yozma ravishda murojaat qilishlari mumkin.
