Joriy yilning 18 aprel kuni institut axborot –resurs markazida «Axborot-kutubxona haftaligi» doirasida Pedagogika fakultetining Defektologiya yo‘nalishi bilan hamkorlikda “Birgaliikda kitob mutolaasi va kitobxonlik madaniyatini oshirish sari” shiori ostida “Bir asar tahlili” mavzusida tadbir tashkil etildi. Tadbirda fakultetning professor-o‘qituvchilari va talabalari hamda axborot-resurs markazi xodimlari ishtirok etdilar. Tadbirni ARM bo‘lim boshlig‘i M. Hayitova kirish so‘zi bilan ochib berdi:
“O‘zbekiston Respublikasi Prezidentining 2017 yil 12 yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish masalalari bo‘yicha komissiya tuzish to‘g‘risida”gi F-4789-sonli farmoyishi ijrosini ta’minlash maqsadida markazimizda axborot- kutubxona haftaligi doirasida «Har bir kitobxondan bir kitob» hadya tadbiri o‘tkazishni rejalashtirdik . Bunday tadbirlarni tashkil etishdan maqsad talaba- yoshlarda kitobxonlik madaniyatini oshirish, ularning ma’naviy dunyosini boyitishdan iboratdir”.
Shundan so‘ng, fakultetning 301- guruh talabasi Sh. Karimova O‘zbekiston xalq yozuvchisi Said Axmadning hayoti va ijodi, xususan, “Kelinlar qo‘zg‘oloni” asari to‘g‘risida fikr yuritdi: ”Asarda katta bir o‘zbek oilasining o‘ziga xos sertashvish va serzavq hayoti kulgili voqealar asosida ko‘rsatilgan. Farmonbibi oilasidagi turli fe’l –atvor, qismatli yetti o‘g‘ilu, yetti kelin va nabiralarning barchasiga tartib–intizom masalasida deyarli birdek qo‘yiladigan talab, milliy urf –odatlarga amal qilish lozimligi, an’analarga vorislik-bularning barchasi o‘zbek millatining maishiy turmushidagi bugungi va ehtimol, kelajakdagi taqdiri bilan qiziqish, ular haqida qayg‘urish muammolari yoritilgan”.
Tadbir asar asosida tayyorlangan sahna ko‘rinishi namoyishi bilan davom ettirildi. Bunda 301-guruh talabalari X.Bahromova, M.Obloqulova, S.Isroilova, X.Husanova, M.Xolisovalar faol ishtirok etdilar. Shuningdek, ishtirokchilarga mavzuga doir videolavha namoyish etildi va ularning asar to‘g‘risidagi fikr-mulohazalari tinglandi.
Tadbirda axborot-resurs markazi xodimlari tomonidan tayyorlangan ”Yangi adabiyotlar siz uchun” mavzusidagi adabiyotlar ko‘rgazmasi ishtirokchilarga qisqacha sharhlab berildi.
Tadbirni axborot-resurs markazi direktor o‘rinbosari G.Shaysakova yakunlab, talaba-yoshlarning o‘qish va ishlariga muvoffaqiyat tilab, O‘zbekiston kelajagiga munosib hissa qo‘shishga chaqirdi.
Tadbir qatnashchilari: 46 kishi
Berilgan adabiyotlar: 57 ta
