Ushbu veb-sayt hozirda test rejimida ishlamoqda. Ba'zi funksiyalar mavjud bo‘lmasligi yoki kutilganidek ishlamasligi mumkin.
Yangiliklar
Yangiliklar
|
25/02/2022
Chop etish
Uch avlod uchrashuvi… Diydor ham qadriyat aslida.

Jizzax davlat pedagogika instituti rektori Sh.Sharipov tashabbusi bilan tashkillashtirlgan  “Uch avlod uchrashuvi” da ko‘p yillar shu jamoada mehnat qilgan faxriylar, institut professor-o‘qituvchilari va magistrlar ishtirok etishdi.

Shaxrimizdagi “Zokir ota” to‘ylar majmuasida o‘tkazilgan tadbirni professor X.To‘raqulov ochib berdi. U o‘z so‘zida tadbir tashkilochilariga  minnatdorchilik bildirish bilan bir qatorda, bugungi uchrashuvning mohiyati va  tarbiyaviy ahamiyati  haqida ham to‘xtaldi. Shunungdek bugungi kunda faxriylarga ko‘rsatilayotgan e’tibor, mustaqillik bergan imkoniyatlar, ta’lim sohasidagi o‘zgarishlar, yurtimizda millatlararo totuvlik va hamjihatlik  xususida o‘zining dil so‘zlarini bildirdi.

Uchrashuvda yurtimizda  hukm surayotgan tinchlik-osoyishtalik, bag‘rikenglik muhitini ko‘z qorachig‘idek asrab-avaylash, bunday bebaho boylikni muttasil mazmunan boyitib borish, yosh avlodga ta’lim  tarbiya berish,ustoz-shogird a’nanalari so‘zga chiqqanlar nutqida, dasturxon atrofidagi gurunglarda, ijro etilgan kuy-qo‘shiq va raqslarda ham alohida ajralib turdi. Ona O‘zbekiston taraqqiyoti yo‘lida bir musht bo‘lib, davlatimiz rahbariga tayanch va suyanch bo‘lib, yashash, mehnat qilish, kelgusi avlodlarni shu ruhda kamol toptirish muqaddas burch ekani ta’kidlandi.

Shu kuni ko‘p yillik tajribaga ega, ibratli hayot yo‘lini bosib o‘tgan ilm egalari, olimlar,  talaba yoshlarning mana shunday shukuhli kun, fayzli oqshomda birga kechgan onlari, olgan olam-olam taassurotlari fotosuratlarga muhrlandi.

Davlatimiz rahbari tashabbusi bilan o‘tkazilayotgan “Uch avlod” uchrashuvida Yangi O‘zbekiston uchun yangi tashabbuslar, yangi g‘oyalar ilgari surildi. Maqsad ham shu edi aslida. Bu yangi g‘oyalar hech shubhasiz real hayotiy natijalarga aylanib, yurtimizni taraqqiyotning yanada baland cho‘qqilariga olib chiqishga xizmat qiladi.

 

 

So‘z ustalari Hayot Shodmon, Gulmurod Xudoynazarovning chiqishlari, sa’nat yo‘nalishida tahsil olayotgan magistr talabalar ijrosidagi kuy qo‘shiqlar, madaniy dastur ishtirokchilarining chiqishlari, dilkash suhbatlarga ulandi. Diydor ham qadriyat deyishadi. Bir so‘z bilan aytganda 100 dan ziyod faxriylarni bir dasturxon atrofiga jamlagan diydor uchrashuvi barchaning xotira daftariga bir umrga muhrlanadigan bo‘ldi.

 

 

 

                                                                                                                                                Jizzax davlat pedagogika instituti axborot xizmati

 

                                                      

 

 


Ulashish:
826
Boshqa rubrikalarda mashhur

JDPUda talabalar uchun turar joy va ijara xonadonlari bo‘yicha ma’lumotlar markazi ish boshladi.
Jizzax davlat pedagogika universitetida 2025/2026-o‘quv yilida talabalarni munosib kutib olish va ularni turar joy bilan tezkor ta’minlash maqsadida “Talabalar turar joylari va ijara xonadonlari bo‘yicha...
JDPUda “Akses” dasturining 2023–2025 yilgi mavsumi yopildi.
2024-yil 30-iyul kuni Jizzax davlat pedagogika universitetida JDPU va AQSh elchixonasi hamkorligida amalga oshirilgan “Akses” dasturining 2023–2025 yilgi mavsumi yakuniga yetdi.
Xalqaro hamkorlik.
Jizzax davlat pedagogika universiteti Ingliz tili nazariyasi va amaliyoti kafedrasi mudiri Jabborova Anora xorijiy stajirovka doirasida Ispaniyaning mashhur shaharlaridan biri bo‘lgan Barselonaga tashrif buyurdi.