Xorijiy tillarni o`rganishni ommalashtirish agentligining Jizzax viloyati hududiy vakilligi, 2021 yil, 24 dekabr
O`zbekiston Respublikasi Vazirlar Mahkamasi huzuridagi Xorijiy tillarni o`rganishni ommalashtirish agentligining Jizzax viloyati hududiy vakilligi tomonidan 2021 yil 24 dekabr kuni «Xorijiy tillar boʻyicha yil nominatsiyasi» tadbiri oʻtkazildi.
Tadbir 2021-yil yakuni hisobiga bagʼishlangan boʻlib, unda OTMlar xorijiy til kafedra mudirlari, Xalq taʼlimi maktab direktorlari, xorijiy til metodistlari va oʻqituvchilari ishtirok etishdi.
Tadbirni Xorijiy tillarni o`rganishni ommalashtirish agentligining Jizzax viloyati hududiy vakilligi boshlig`i O.Jumanov, JDPI O`quv ishlari bo`yicha prorektori B.To`xtamishev kirish so`zlari bilan ochib berishdi. Tadbir davomida oʻqituvchilarga hamda oʻquvchilarga Xorijiy tillarni oʻrganishning tutgan oʻrni haqida O`zbekiston Respublikasi Vazirlar Mahkamasi huzuridagi Xorijiy tillarni o`rganishni ommalashtirish agentligi vakili
Madaminbek Abdullaev «Cambridge tests: TKT», JDPI Chet tillar fakulteti Ingliz tili o`qitish metodikasi kafedrasi mudiri
Jabborova Anora «Xorijiy til, uning yoshlar hayoti va kelajagidagi o‘rni, chet tillarni o‘qitishda samarali texnologiyalar va vositalarni qo‘llash imkoniyatlari» mavzusida taqdimotlar qilishdi. Ushbu tadbirda maktab oʻquvchilari ham ishtirok etib, xorijiy tillarni yaxshi oʻzlashtirishganini oʻzlarining sheʼr, qoʻshiqlari bilan koʻrsatib berishdi.
Tadbir soʻngida xorijiy tillarni oʻrganishni ommalashtirishga oʻz xissasini qoʻshib kelayotgan prorektorlar kafedra mudirlari, XTB metodistlari hamda til oʻqituvchilari, bilimdon bolajonlar turli nominatsiyalar bo`yicha tashakkurnoma hamda esdalik sovgʻalar bilan taqdirlanishdi.
